J.Co Donuts sa MOA (Mall of Asia)

Hindi ko ito natikman, dahil hindi naman ako mahilig sa matatamis. Nung nagbakasyon ako sa pinas eh ang gustong gustong ng karamihan, lalo na ng misis at mga anak ko. Ang J.Co Donuts daw a pinipilahan at minsan nga daw madaling araw pa nakapila na ang mga tao. Curious ako bakit kinababaliwan nila ito eh meron din namang Dunkin Donuts, Krispe Kreme o Mister Donuts na dati nang kinababaliwan din nung bago palamang ito sa market.

Nung ibinili ko ng J.Co Donuts ang misis at mga anak ko sa SM Mall Of Asia eh napag alaman ko na over exag lang ang mga kwento, totoong mahaba ang pila pero meron naman palang maiksi, dahil 2 lanes ang pila ung isa sa iilang peraso pero mahal ang presyo at ung isa sa mura lang pero marami, syempre doon ako pumila sa mahal dahil maiksi lang ang pila at mabilis naman, siguro umabot lang ng 15 minutes at nakuha ko na ung pinili kong J.Co Donuts na gusto ng misis ko. Sarap na Sarap sila sa pagsubo, ang pagkakaiba daw nito sa ibang donuts eh hindi masyadong matamis at hindi tumitigas. Kaya sa mga kabayang OFW, pag curious kayo try nyo..

Makulimlim

Makulimlim at preskong hangin. Dito sa probinsya ito ang pinaka namimis ko, dahil ako ay isang ofw na nagtatrabaho sa middle east, ang mga katulod ko ay sabik sa mga ganitong panahon. Masarap sayangin ang bakasyon sa mga ganitong sitwasyon, nakaupo at nagmamasid sa kapiligiran, masarap langhapin ang simoy ng hangin, lalo na kapag malapit nang umulan at my malamig na simoy at makulimlim na kalangitan.

Sa mga ganitong pagkakataon parang ayaw ko nang bumalik ng ibang bansa para magtrabaho, ngunit ano ang magagawa ko, hindi ko kayang kitain dito sa sariling bansa sa pinas ang kinikita ko sa abroad, pano ko mabibigyan ng maayos na tirahan at paano ko mapagaaral ang mga anak ko kung sa pinas din ako kikita. Sa tingin ko ang kelangan ng isang ofw ay puhunan at makapagisip ng maayos na ikabubuhay tulad ng negosyo sa pilipinas. Sa tining ko kung ikaw ay ofw at gusto mong magnegosyo imposibleng hindi ka aasenso kapag ito ay tinututukan, ung ibang bumabagsak na negosyo ay dahil sinasamahan ng bisyo o di kaya kulang sa stratehiya.

Bacolod City Jeeps

Nakalibang talaga ang mga pampasaherong jeeps sa bacolod city. Sa lahat yata ng probinsyang napuntahan ko dito nako nakakita ng magagandang klase ng pamapasaherong jeep. Makukulay, naka magwheels at magaganda ang sound systems ng mga pampasaherong jeepney sa Bacolod City.

Bukod sa pisikal na anyo ng mga pampasaherong jeep sa bacolod ay iba din ang ugali ng mga driver, iba sila makitungo sa mga pasahero di tulad sa manila. Sa bacolod city tipong kapag nakakita ng pasahero sa my kanto ay aatras pa ito para makasakay ka, at kapag umuulan sa waiting shed ay umaatras para hindi mabasa ang mga nakasilong na pasahero bago sumakay. Kaya bilib ako sa klase ng sistema ng mga pampublikong sasakyan. Bukid sa Jeep ang mga taxi din ay kakaiba sa bacolod city, talagang gumagamit ng metro ang mga taksi bihira ka makadinig ng nangongontrata.

Children's Party

Nakakatuwa at nakakagaan ng puso panoorin ang mga batang masaya na kumakain sa children's party lalo na sa probinsya. Minsanan lang ako makauwi ng mga probinsya pero dahil ofw ako nakasanayan ko nang magpakain o gumawa ng konting handaan. Ang mga bata sa probinsya ay masayahin, konting pagkain tulad ng spaghetti, juice, hotdogs ay masayang masaya na sila.

Masaya talaga maging bata dahil walang problemang iniisip pagkain lang talaga ang kasiyahan, sana ganon din lahat tayo ngunit wala tayong magagawa dahil kakambal na nating mga Pinoy ang problema, hindi man sa pamilya minsan sa pera at kung wala madadamay ka.

Egg Sandwich

Ito ay isang techniques sa mga ofw na nagmamadali lalo na kapag sila ay papasok na sa umaga. Kung gusto mo ng purely egg sandwich, ngunit sa madaliang paraan malamang ito na ang solusyon sa iyong problem. Ang paraan na ito ay hindi mo na kelangang mag-bati ng itlog o di kaya mag lagay ng mantika sa lutoan para maluto ang itlog at ipalaman sa tinapay.

Ang kelangan ay isang Tasty na tinapay pero pwede rin ung ibang tinapay basta medjo malambot upang magawan ng korte palubog. Pagkatapos ay basagin ang itlog at dahan dahan ilagay ang laman ng itlog sa tinapay na may korte. Ilagay lamang ito sa microwave or oven at i-set sa standard heating at pagkatapos ay Wallahhh! Meron kanag instang egg sandwich na pang almusal or pambaon. Ayos ba!

Basketball sa Bukid

Nakaka home sick daw kapag nakikita ng mga ofw ang lugar na kinalakihan lalo na kapag sa probinsya ka lumaki. Napakasarap makita ang maraming puno, natural na mga ulam sa bukid, gulay pagkaing malinamnam at sabay lalo na ang mga nilalaro nung bata tulad ng basketball.

Masarap makita na na kahit sa maliit na paraan ay nakakagawa parin ng libangan ang mga kabataan ngayon lalo na sa probinsya, dahil sa sariwang hangin, minsan sa mga ganitong pagkakataon pa nga mas lalong nagiging mahusay ang mga kabataan para sa kanilang paglaki ay mas magaling sila at mas malakas sa larong basketball. Ang larawan na ito ay kuha sa likuran ng bahay na my bundok.

Mayon Volcano, Albay

Sa pagsakay ng eroplano papuntang bicol, tanaw na tanaw ang ganda ng ginawa ng kalikasan sa Mayon Volcano. Kaya naman pagdating sa Legazpi Airport ay libreng libre ang mga tao kumuha ng larawan, ngunit minsan my pagkakataon na tinatabunan ito ng mga ulap, kaya swerte mo lang kapag nakuhanan mo ng kumpleto ang Mayon Volcano. Sa larawang ito swerte din na nakuha ko ang Mayon Volcano sa ere habang papaalis kami ng Legazpi Albay.

Bagamat nakapagbakasyon ako sa Bicol, marami paring talagang nadevelop na lugar na hindi ko pa napupuntahan, sabi ng mga taga maynila eh marami daw na tourist spots sa Bicolo bukod sa Mayon Volcano.

SM Mall of Asia - Ice Skating Rink

Sa paglalakad sa SM Mall of Asia kaasma ang aking mga anak, talaga nga namang libang na libang ako lalo na sa panonood ng mga nag iice skating. Bilang isang bansa na mainit at hindi nagyeyelo o na ssnow ay nakakaaliw panooring na mga mga batang mahilig sa yelo at skating.

Meron silang mga coaches at ung iba napapansin ko, eh dahil summer, ineenrol nila ang mga anak nila sa ganitong activities habang sila ay nasa trabaho at babalikan nalang nila ang kanilang mga anak kapag off-duty na.



Marami sa mga ofw na katulad ko ang masayang nakikita ang mga anak at mga nakatawa lalo na kapag ipinapasyal mo sila sa mga mall, bukod sa komportable sila dahil hindi mainit eh masaya din ang bonding.

Isa lang ang napansin ko sa mga Malls sa Manila, bakit napakadami yata masyado ng ahente ng mga condominiums? ok naman ung pag approach nila kaya lang sa pagiikot napakadami ko na talangang brochures, at syempre lalong ok dahil nakikita kong masisipag ang mga kababayan kong Pinoy.

Tabaco City, Albay - Bicol Region

Kahit ganito ang itsura ng kalsada ng Tabaco sa Albay Bicol Region, nakikita ko na sa isang probinsyang katulad nito ay may mga pinaka respetadong nasa serbisyo tulad ng mga pulis. Masasabi kong respetado dahil ang mga tao ay sumusunod sa mga batas trapiko, lalo na sa tamang babaan at sakayan at maging nadin sa pedestrian.

Isang probinsyang may mga mamamayan na gumagalang sa kinauukulan ay isang lugar na respetado at kahit marami sa pursyento ng mga mamayan sa Tabaco Albay ay hindi man nakapag tapos ng pag-aaral, marami sa kanila ang natural na mababait at masunurin. Simple lang buhay sa bicol, hindi magastos, nagbibigayan ng ulam at higit sa lahat malalapit sa diyos.

Ang Tabaco City ay matatagpuan sa East side ng Bicol Region na nasasakupan ng Albay sa may bandang paanan ng Mayon Volcano. Hindi man natin madalas marinig ang lugar na ito ngunit ito ay isang daanan papunta sa mga kalapit na isla o probinsya tulang ng Catanduanes. Mula Legazpi Albay ito ang may hanggang 10 Kilometers lamang.

Kalye Singko (Calle 5) , Malate Manila

Aliw na aliw talaga ako sa mga Resto Bar na Katulad ng Kalye Singko (Calle 5), naaliw ako hindi dahil sa mga babaeng waitress kundi sa klase ng entertainment tulad ng live band. Syempre mas aliw ka mas mahal ang presyo.

Mula pa yata nung elementary ako naririnig ko na ang Bar na Kalye Singko o "Calle 5". Dahil sa mga kilala naming OFW o Seaman madalas ang entertainment Area ay sa Malate. Ngayon OFW nadin ako, nakita ko nadin sa wakas ang Kalye Singko o Calle 5. Hindi siya aircon pero malupit ang entertainment o live band, halos sampung kanta palit na ulit ng Banda at ung mga Band nila almost Girl Band with sexy dance.

Noong unang beses kong pumasok medjo nagulat ako kasi sa bandang labas lang nman kami, meron syang cover charge na 60 pesos tapos pagkaraan ng dalawang taon naging 120 pesos, di ko sure kung dahil weekend ung mga panahon na yon, 260 pesos kasi ang nagastos ko sa dalawang boteng beer na ininom namin ng kumpare ko. Malupit sa Bulsa pala!

Anyway, advisable siguro ito kung marami kayo at marami kayong maiinum dahil my mga drink packages din sila, medjo lugi lang kapag konti ang iinumin nyo.

Bacolod Chicken Inasal

Sa Bacolod, kilalang kilala ang Manokan Country. Kaya kapag ako nagbabakasyon, napapadaan din ako sa lugar na iyon, isa syang mahabang manokan restaurant na puro inihaw na manok at baboy. Pero dahil specialty ng Bacolod ang Chicken Inasal, talaga nga naman napakasarap, lalo na kapag my kasamang malamig na beer.

Sa Bacolod City maraming resto na related sa Inasal, ang huli kong natikman ay sa NeNa's, base sa mga sabi sabi ng mga kaibigan ito daw ang pinaka sikat ngayon panahon, dahil sa magandang serbisyo, malamig na lugar at open nadin sila sa Franchizing, kahit sa bacolod mismo ay ang dami nadin nilang Branches.

Talagang mahihilig ang mga taga Bacolod sa Inasal, dahil kahit saan sulok ka pumunta ay meron ganitong luto at talagang masarap at hilig ng lahat. Sa ngayon nakikita ko ang progreso ng isang probinsya na katulad ng Bacolod City ay mabilis dahil sa dami ng foreigner at investors.

Pinakamasararp na Dinuguan

Ang pinakamasarap na natikman kong Dinuguan ay sa Goldilocks. Sa iilang taon kong pabalik balik sa pinas upang magbakasyon, at sa dami daming natikman ko na dinuguan ay sa goldilocks ko lang talaga natikman ang hinahanap kong lasa.

Nakakapaglaway lalo na kapag my kasamang puto at tanduay lapad. Maraming OFW ang naglalaway pagdating sa inumin at pagkain, hindi naman sa minamaliit ko ung mga ibang karinderya pero sa luto ng Goldilocks na dinuguan, parang mas sulit ang pera na ginastos, konti lang kasi ang deperensya ng presyo sa karinderya at sa goldilocks at mukha naman marami din ang serving at malaman pa.

Pasyalan ng Bayan

Dahil sa sobrang init ng panahon sa pinas kapag tag-araw, ang hanap hanap ng mga tao ay kung saan my aircon. Ang mga dayo sa maynila ay madalas mamasyal sa mga kilalang mall tulad ng Robinson's Place Manila o kung hindi kaya sa SM Mall of Asia.

Talaga nga namang nakakalibang at masarap sa pakiramdam na makita mo ang iyong mga anak na my ngiti dahil sa nakikita nilang tanawin. Lalo na Mall kapag linggo ay my Artista. Bilik ako sa mga tatay at mga magulang na nagsusumikap upang maipasyal man lang sa isang linggo ang kanilang pamilya sa malamig na mall.

OFW Unang Araw sa Pinas

Bilang bakasyonista, syempre nanggaling ako sa middle east, talagang medjo pagod ngunit di ko matiis ang panghagod sa pagod na beer at ang pag kain ng crispy pata.

Ang pumuputok putok na crispy pata habang sinasaw saw sa suka at unang lagok ng malamig na beer ang hindi ko malilimutan sa araw ng aking bakasyon bilang isang ofw. Sa sitwasyong uyon parang nawala ang pagod at problema ko sa pagtratrabaho sa ibang bansa ng dalawang taon.

Pero mahirap din pala kapag medjo tumatanda na dahil 3 bote lang ng beer parang tinamaan na ako. Dalawang taon ko din inasam ang mga ganitong pagkakataon, kaya habang nasa pinas kelangan bilang isang OFW o balik manggagawa ay masulit ang oras sa pamilya at mga pagkain at inumin. Kelangan din icontrol ang sarili sa paggasyos, daily budgeting lang ang kelangan para di sumamblay.







View of Manila Bay

After I accomplish my task getting balik manggagawa or process my POEA and OWWA certificate, it is time to refresh and relax.

It is not common to go to Manila Bay during vacation, but one friend invited us to a common restaurant. While waiting, i was surprise for the baywalk reclamation. I saw this young arab women enjoying the view in manila bay as well as the weather. I know it is not common to arabs to see black sand or black water because of dirth, but this place could make help release stress.

The view is a fresh develop artificial nature, seeing the and smelling the sea waters of manila bay and cargo ships on the queue to the port for releasing. I guess philippines needs to improve the port.

 

While waiting for our friend before our restaurant treat, my last day in Philippines is now complete.

 

 

 

Gran Prix Hotel Manila - Satistified

Sa ilang taon akong pabalik balik sa Pinas upang mag bakasyon, bilang isang ofw tayo ay kelangan magtipid. Mula ng napadaan ako sa Hotel na ito Gran Prix Hotel sa Mabini noong 2009, regular na akong nagchecheck inn at nagbobook dito.

Bukod sa Fair Rates nila eh ang pinakagusto naming mga ofw eh mababait ang mga staff nila mula sa security, reception, hanggang sa restaurant staff nila "Namayan Resto". Masasabi ko rin na proud akong maging pinoy dahil sa pinapakitang kasipagan ng mga tao dito sa hotel na ito "Gran Prix Hotel Manila".

Kahit maraming hotel na mapagpili-an at medjo mas mura pero di ko parin kayang ipagpalik ang serbisyong pinapakita ng mga staff ng hotel na ito. Congrats sa inyo mga kapatid.

Mga Babayarin Sa Pagiging Balik Manggagawa sa Pinas

Bilang OFW tuwin bakasyon sa pinas, kelangan kong magbayad ng POEA (Philippine Overseas Employment Certificate), OWWA (Overseas Workers Welfare Adm), Pag-Ibig at Philhealth.

Medjo nakakagulat lang ang pagtaas ng Philhealth dahils sa ilang taon na akong nagaabroad, sadyang parang napakamahal sa mga maliliit na manggagawa katulad ko ang pagbayad nito at sa aking pagkakaalam eh hindi ko naman ito nagamit.

As May 2014 eto po ang mga bayarin ko:
POEA = 1,100 Pesos
OWWA = 100 Pesos
Pag-Ibig = 600 Pesos (Minimum 6 Months = 100/month)
Philhealth = 900 Pesos (6 Months)

Paalala: kung gusto nyo po ng kumpletong 2 taon na coverage sa philhealth kelangan nyo magdala ng 3,600Pesos bukod sa other payment. Pero kung gusto nyo makatipid eh pwedeng minimum nalang tulad ng nasulat ko sa taas, yon nga lang after 6 months at nasa abroad ka expire na sya at hindi ka makakagamit ng any claims if emergency.